Culleredo acolle este xoves unha charla sobre software libre

O concello coruñés de Culleredo acolle este xoves 25 unha charla sobre Software Libre especialmente dirixida á mocidade, sobre todo no que se refire a informar ós novos das vantaxes do código aberto para acceder á Rede ou mesmo para achegar innovación dende Galiza no eido empresarial. A xuntanza contará coa presenza de Roberto Brenlla, promotor de Linux/GNU; Suso Baleato, coordinador técnico de mancomun.org, un represenante por confirmar da Asociación Galega de Empresas de Software Libre (AGASOL) e outro do Grupo de Usuarios de GNU da Coruña (GPUL). A charla desenvolverase no Pazo de Vilaboa a partir das 17 e está organizada por Galiza Nova de Culleredo.