David Camacho imparte dúas charlas perante os alumnos do máster en informática
venres, 16 de maio do 2008
O vindeiro luns, 19 de maio, terá lugar na Facultade de Informática da UDC, dous relatorios que impartirá o profesor da Universidade Autónoma de Madrid David Camacho Fernández para os alumnos do Máster en Informátcia.
As charlas, organizadas polo Laboratorio para a Investigación e Desenvolvemento en Intelixencia Artificial (LIDIA) da Universidade da Coruña, darán comezo ás 12:00 horas (aula 2.5) co relatorio Desenvolvemento de Sistemas Adaptativos sobre Internet para dar paso, ás 13:00 horas, á segunda charla, Sistemas Multiaxente Avanzados. Esta última terá lugar na aula 2.6 da Facultade de Informática da UDC.
