Este mércores 23 celébrase a CITIC Cyber Competition - C3TF
martes, 22 de febreiro do 2022
O
Centro de Investigación TIC (CITIC) da Universidade da Coruña
acolle este mércores 23 de febreiro a CITIC
Cyber Competition – C3TF, unha competición de ciberseguridade
organizada polo CITIC, en colaboración con AtlantTIC (UVigo), a
Cátedra R en Ciberseguridade e o MUNICS (Máster Inter-Universitario
en Ciberseguridade).
O
evento está destinado a estudantes co obxectivo de que practiquen e
desenvolvan as súas habilidades no ámbito da seguridade
informática. Máis de 100 participantes organizados en 33 equipos
resolverán diferentes retos de ciberseguridade e optarán a 3
premios por valor de 1000 €, 700 € e 300 € cada un.
O
C3TF celebrarase de xeito simultáneo no CITIC e na sede de
AtlantTIC, no Campus de Vigo, e tamén haberá participantes
conectados de forma online.
O
acto de apertura do evento contará coa presenza do director do
CITIC da Universidade da Coruña, Manuel F. González Penedo; o
director de AtlantTIC da Universidade de Vigo, MartÃn Llamas Nistal;
o vicedecano de Recursos Informáticos da Facultade de Informática
da UDC, Carlos Fernández Lozano; e o director de R, Alfredo Ramos
González.
O
acto de entrega de premios e clausura contará coa intervención dos
coordinadores do MUNICS na Universidade da Coruña e na Universidade
de Vigo, Francisco Javier Nóvoa Manuel e Ana Fernández Vilas,
respectivamente.
