FACUA denuncia a Apple por publicidade enganosa

FACUA-Consumidores en Acción denunciou a Apple ante o Instituto Nacional de Consumo e administracións de Consumo autonómicas, por considerar que fai crer aos seus clientes que o período de garantía dos seus produtos é de só 1 ano, para así vender unha ampliación de garantía a través dun seguro (o produto AppleCare Protection Plan).
Apple estaría a remitir correos electrónicos aos clientes que mercaron un iPhone 4 nos que indican que a cobertura de reparacións dun ano dos seus dispositivos está a piques de caducar, para que contraten o devandito servizo de garantía adicional, o que non respectaría a lexislación española, que recolle que o período de garantía legal dun produto novo é de 2 anos dende a súa compra.
Dende FACUA lembran que os usuarios que se considerasen enganados por esta práctica de Apple poden solicitar a devolución do importe aboado, pois considerarse que o xeito de promocionar o AppleCare Protection Plan constitúa un acto de publicidade enganosa.