Facebook deixa de permitir compartir novas en Australia
xoves, 18 de febreiro do 2021
Cando en España aprobouse unha lei que obrigaba a Google a
pagar aos medios de comunicación por publicar extractos das súas novas ao
ligalos a reacción do xigante da Internet foi pechar Google News no noso
territorio, e agora outro xigante fai algo semellante: ante unha nova
lexislación que impón unha taxe por ligar contidos medios de comunicación en
Australia Facebook optou por establecer fortes restricións no territorio
australiano, de xeito que nin
os propios medios nin os cidadáns poden compartir novas a través de Facebook.
Esta medida pode supor un duro golpe para os medios de comunicación, xa que nos
últimos anos mudaron as tendencias de mercado e a principal fonte de tráfico de
boa parte das cabeceiras xa non é Google, senón Facebook, e precisamente a
compañÃa de Mark Zuckerberg considera que a nova lexislación australiana non entende
a relación entre os medios e Facebook, pois non ten sentido que unha plataforma
que leva visitas aos medios de comunicación beneficiándoos teña que pagar por
facer tal.
Ao parecer, os lexisladores entenden que as redes sociais benefÃcianse das
novas que se comparten na súa plataforma, polo que terÃan que compartir os seus
ingresos publicitarios cos medios de comunicación que as producen, pero ese
punto de vista non parece axustarse á realidade, xa que o contido informativo
que ven os usuarios en Facebook non chegan ao 4%, ou sexa, que os usuarios non
acceden a Facebook para ler a prensa, senón para estar en contacto cos seus
amigos e familiares, de aà que impor taxas para beneficiar aos medios de
comunicación non estarÃa xustificado nas condicións actuais.
Dende Facebook amosan a súa disposición a crear Facebook News en Australia
(servizo que xa funciona nos EE.UU. como un espazo para as novas dentro de
Facebook), pero non baixo as condicións que queren impor os lexisladores, senón
chegando a acordos cos medios de comunicación. Dan a entender asà que ante a
imposición de condicións de colaboración con medios de comunicación optarán por
derrubar as pontes e trasladar os investimentos en medios de comunicación a
outros mercados.