Femxa e APD poñen en marcha un portal para que os directivos accedan de contado a formación de valor

O Grupo Femxa informa dende a súa sede de Vigo dunha nova iniciativa web para facilitar a formación e a achega de habilidades aos nosos directivos, fornecéndoos en liña dos coñecementos específicos que precisan. O portal en cuestión, visiondirectiva.apd.es, é froito dun acordo de colaboración formalizado entre Femxa e a Asociación para o Progreso da Dirección (APD), un acordo que xurdiu co de que os empresarios e altos cargos de todo o Estado poidan conseguir de maneira rápida e cómoda as capacidades que demandan para acadar o éxito nos seus negocios. Baséase polo tanto en algo tan simple e á vez fundamental como achegar formación especializada.
Segundo explica Patricia Garcia, socia directora do Grupo Femxa, “a falta de formación en áreas específicas xa non pode ser a causa do peche dunha empresa, coa consecuente perda de postos de traballo e todo o que iso implica, cómpre que asumamos as nosas propias responsabilidades neste contexto de crise e que vexamos que hai empresas que son quen de sobrevivir a ela, mesmo aproveitando oportunidades que outras non ven, e en todas elas repítese o mesmo patrón: están compostas por equipos ben artellados de persoas altamente capacitadas”. Polo tanto, a devandita web diríxese tamén a alentar ás iniciativas arestora en marcha, en aparencia con tantas cousas (produtivas, económicas, sociais) en contra. Para Femxa e APD, a formación tradicional non é válida xa. “O directivo”, explica García, “necesita acceder aos recursos formativos que precise en cada intre en base aos seus intereses particulares, é dicir: mellorar os seus coñecementos no mellor tempo posible”.