Galiza participa na creación dun buque intelixente para 2020

Galiza formará parte dun consorcio tecnolóxico para a creación dun buque autómata intelixente para 2020, orientado á explotación da pesca no futuro. Así o fixo saber estes días a Fundación Innovamar, que coordinará os 37,5 millóns de euros achegados ó proxecto. Nel, amais de empresas e centros de investigación galegos, participan entidades de Andalucía, Canarias, Castela e León, Cataluña, Madrid e Euscadi. O buque en cuestión comezará a desenvolverse nos Astilleiros de Murueta, onde as 21 empresas e 28 grupos de investigación participantes achegarán o seu coñecemento en tecnoloxías de deseño e construción de barcos, eficacia tecnolóxica e enerxías alternativas, comunicación, sistemas de pesca, oceanografías e protección do medio mariño.