Google sitúa a Sientegalicia.com como referente de empresa competitiva na Rede
luns, 27 de abril do 2015
- O equipo de SienteGalicia, agora constituído por cinco profesionais da nosa terra
As mozas responsábeis de
Sientegalicia.com, portal
destinado a fortalecer o turismo na nosa terra, veñen de informar
dun importante recoñecemento ao seu labor (que como
lembraremos comezou en 2011, en Lugo, da man de tres mozas
emprendedoras, Noelia, Carmen e Keina). O
recoñecemento en cuestión vén da man do buscador Google, que
se fixou en Sientegalicia.com como un caso de éxito a nivel europeo
e empregouno como referente para outras empresas en liña que comezan
a súa andaina nun mercado cada vez máis competitivo.
A investigación de
Google incluíu entrevistas e enquisas, amais de estatísticas anuais
sobre a actividade dunha chea de webs europeas. “Tralo estudo”,
informan as creadoras do portal galego, “o buscador comprobou que
se trata dunha web que incrementou as súas visitas e a súa
facturación arredor dun 70% con respecto ao ano anterior”.
Estes e outros datos
levaron á compañía de Internet a cualificar a iniciativa de “caso
de éxito empresarial”, impulsado por unha “empresa pequena que é
quen de competir con empresas estatais e mesmo internacionais con
dotacións orzamentarias moi superiores, facéndose un oco no mercado
en liña”.
Oomo lembraremos,
SienteGalicia.com é unha axencia de escapadas online que
ofrece viaxes e estadías temáticas na comunidade galega para todo
tipo de clientes. Arestora a firma dispón de máis de 270 escapadas
de toda índole, “a prezos moi competitivos” en establecementos
previamente seleccionados. “As nosas propostas”, explican as
fundadoras da empresa, “están pensadas para promover os magníficos
recursos patrimoniais, naturais e culturais da comunidade galega e
propoñer alternativas para saír da rutina diaria”.
Para quen queira ampliar
información sobre o recoñecemento de Google, sinalar
que hai material audiovisual propio do buscador e un
vídeo explicativo da propia empresa no YouTube: