Huawei deixa en evidencia o iPhone Air

A diferenza de grosor entre o iPhone Air e o Huawei Mate70 Air é difícil de percibir a simple vista

Nun momento no que a comercialización de smartphones ultradelgados volve ser tendencia, Huawei parece querer deixar en evidencia a Apple e o seu iPhone Air co estrear en China o Huawei Mate70 Air, un smartphone cun grosor de 6,6 milímetros, que se ben é lixeiramente máis groso que o teléfono da compañía da mazá (sendo difícil de distinguir en vivo), aproveita ese detalle para suplir as súas principais carencias: a capacidade de batería e o número de cámaras.
O Huawei Mate70 Air ten unha pantalla OLED de 7 polgadas cunha resolución de 2.760 x 1.320 píxeles e un refresco de 120 Hz, está equipado cun procesador Kirin 9020B nos modelos con 12 GB de RAM e cun Kirin 9020A nos modelos con 16 GB de RAM, a súa cámara frontal é de 10,7 Mpíxeles, na súa traseira ten unha cámara cuádrupla cun sensor principal de 50 Mpíxeles, un ultra grande anngular de 8 Mpíxeles e un teleobxectivo 3x de 12 Mpíxeles, ten resistencia IP68 e IP69, integra lector de impresións dixitais lateral e, como característica estrela, inclúe unha batería de 6.500 mAh con carga rápida de 66 watts.
Os seus prezos están entre os 4.199 iuans (511 euros) para o modelo con 12 GB de RAM e 256 GB de almacenamento ata os 5.199 iuans (633 euros) para o modelo con 16 GB de RAM e 512 GB de capacidade, o que está bastante lonxe dos 7.999-11.999 iuans que custa o iPhone Air na China.