Imaxin fala este luns na UDC sobre tecnoloxía lingüísticas

A Facultade de Informática da Universidade da Coruña recibirá ao responsable da empresa galega Imaxin Software, José Ramón Pichel para impartir unha charla sobre A tecnoloxía lingüística: unha aposta estratéxica desde Imaxin/Software que terá lugar o luns, día 3 ás 16.30 horas na aula de graos do centro.
Na xornada explicaranse as iniciativas e desenvolvementos realizados por esta compañía, creada hai dez anos, no eido das tecnoloxías lingüísticas como os dicionarios electrónicos en SGML/XML, os tesauros, os corpus lingüísticos, os correctores ortográficos ou a plataforma de tradución automática en código aberto OpenTrad.