Industria podería conceder licenzas autonómicas de telefonía móbil 4G

O Goberno concederá en 2009 tres ou catro novas licenzas de telefonía móbil que se poderían repartir a nivel autonómico para fomentar a competencia. A nova banda estaría entre os 2.500 e 2.690 MHz e servirían para dar os servizos de telefonía móbil de cuarta xeración (permitindo transmisións de datos a alta velocidade, que poderían estar entre os 50 e os 100 Mbps).
Aínda que esta posibilidade só está en estudo, parece que as operadoras de cable (Euskaltel, TeleCable, Ono e R) serían as empresas máis interesadas en optar a estas novas licenzas para desenvolver as súas propias redes móbiles (pois actualmente se limitan a ser OMV).