Italia comezou as poxas por licenzas WiMAX

O pasado xoves o Goberno italiano iniciou o proceso de subhasta de licenzas WiMAX que permitirán o establecemento de redes de banda larga nas frecuencias de entre os 3,4 e os 3,6 GHz.
As operadoras poderán poxar por 3 licenzas cunha duración de 15 anos que non poderán venderse sen autorización gobernamental e que poderán ser renovadas. A operación poderá xerar unhas achegas de entre 100 e 200 millóns de euros para as arcas italianas, afastándose das escandalosas cantidades que se acadaron coa tecnoloxía UMTS (e que demostraron ser pouco realistas).