Melide acollerá unha xornada sobre software libre

O vindeiro sábado ás 18:00 horas terá lugar a I Xornada de divulgación de Software Libre en Melide, un evento organizado a título persoal por Rafael Rodríguez Gayoso e Jorge Lama Varela co que pretenden difundir o software libre mediante unha charla introdutoria, un coloquio e un taller.
O evento é de entrada gratuíta, e está aberto a calquera persoa interesada, animándose aos asistentes a asistir co seu propio ordenador portátil para probar as aplicacións das que se fale.