NotebookLM permite crear resumos sonoros en galego

A ferramenta para axudar a escribir mediante IA de Google, NotebookLM, abraiaba ao mundo hai uns meses ao facilitar a creación de resumos sonoros dos contidos que lle indicásemos nun formato semellante ao dun podcast a dúas voces, o que podía resultar para dixerir contidos un tanto densos.
Agora van un paso máis aló, e a función de resumo sonoro pasa de estar dispoñible unicamente en inglés a funcionar en máis de 50 linguas, entre as que non fallan o español, o portugués, o catalán, o éuscaro e o galego. Para gozar de tal función chega con premer en Configuración e seleccionar o Idioma de saída, para logo darlle a xerar un Resumo de audio para que, pasados uns minutos, poidamos escoitar unha conversa na que se comentan detalles da temática sobre a que queremos afondar.
Temos aquí unha ferramenta capaz de facer a información en distintos idiomas, formatos e fontes en máis accesible para case calquera.