O CGAI acolle a presentación do DVD conmemorativo 10d10

O Centro Galego de Artes da Imaxe acolle este venres 14 a presentación do DVD 10d10, un traballo conmemorativo polos traballos do décimo aniversario do Máster de Documental de Creación da Universitat Autónoma de Barcelona. Segundo informa o Centro, a sesión dará comezo ás 20.30 horas e contará coa presenza de Elena Ortega, coordinadora do Máster e máis da directora Teresa Arredondo, que presentará o seu traballo In crescendo, incluído no DVD.