O CITIC comparte achados anti-COVID coa alcaldesa da Coruña

Os membros da área de Intelixencia Artificial do CITIC, Marcos Ortega e Pablo Guillemette, reuníronse coa alcaldesa da Coruña, Inés Rey. O obxectivo do encontro foi presentar os últimos avances en investigación contra a COVID-19 mediante a análise de imaxe radiolóxica e Intelixencia Artificial, en colaboración co responsábel da área de Radiodiagnóstico do CHUAC, José Manuel Castro.
A alcaldesa da Coruña transmitiu a súa admiración polo seu gran potencial diagnóstico, ademais de ser “un orgullo para A Coruña”, xa que a iniciativa naceu no seo do CITIC en colaboración cos investigadores do CHUAC (INIBIC-Fundación Novoa Santos). A rexedora tamén trasladou aos membros do CITIC o seu “apoio para continuar nesta liña, que serve como exemplo do importante que é a investigación e a colaboración multidisciplinar entre os expertos para loitar contra esta pandemia”.