O I Fórum de Sotfware Libre celebrarase en Lisboa a mediados deste mes

Os vindeiros 12 e 13 de outubro terá lugar na cidade de Lisboa o I Fórum de Software Libre que contará, entre outras grandes empresas, co patrocinio de Google, Sun e Red Hat. Esta xornada celebrarase na Facultade de Ciencias da Universidade de Lisboa e alí habilitaranse ata un total de 3 auditorios para darlle acollida ós asistentes.
O programa, que se pode atopar na web do evento, recolle a participación de distintos profesionais de renome en materia de software libre a nivel internacional así como de representantes de grandes empresas de Internet.