O Instituto Tecnolóxico de Galicia presenta a sexta edición do seu máster para a xestión de calidade

A Fundación Instituto Tecnolóxico de Galicia segue adiante coa súa oferta formativa, desta volta co Máster en Sistemas Integrados de Xestión en Calidade, Medio ambiente e Riscos Laborais. Segundo informa esta entidade con sede na Coruña, o curso (que xa vai pola súa sexta edición e que comeza co resto do programa a principios de outubro) ten xa aberto o prazo de inscrición e vai orientado sobre todo a titulados de calquera formación universitaria que desexen completar a súa preparación con coñecementos cada vez máis demandados polas empresas.
A Fundación anuncia que seguirá a ofrecer facilidades para que os alumnos compaxinen a súa vida profesional coas actividades formativas.