O Mac OS X 10.5 empregará o sistema de ficheiros ZFS de Sun

Jonathan Schwartz, de Sun Microsystems, anunciou nun evento da súa empresa en Washington que a nova versión do sistema operativo de Apple coñecido coma Leopard incorporaría o sistema de ficheiros que desenvolveron dende Sun, o ZFS, de xeito que a compañía de Steve Jobs abandonaría o seu Journaled HFS+, o que supón non unha mellora desta tecnoloxía, senón unha substitución por un sistema superior en prestacións, o que si sería unha avance substancial na nova entrega do Mac OS X, aínda que falta unha confirmación oficial de Apple, que se agarda para a vindeira semana, cando se presentará oficialmente a versión de proba do Leopard.