O Parlamento Europeo rexeita polo momento a proposta de reforma da lexislación sobre copyright
xoves, 5 de xullo do 2018
- Imaxe da rolda de prensa na que se daba onte conta do debate parlamentario sobre copyright
Finalmente
o pleno do Parlamento Europeo que decidÃa a proposta da Comisión de Asuntos
Legais que incluÃa os polémicos artigos sobre a reforma do copyright no seo da Unión Europa votou
en contra, de xeito que 318 parlamentarios rexeitaron as medidas propostas
fronte a 278 que as apoiaban e 31 que se abstiveron. En consecuencia, a
posición do Parlamento Europeo terá que debaterse, emendarse e votarse durante
a vindeira sesión plenaria no mes de setembro.
- Axel Voss é un dos promotores da polémica reforma lexislativa
Tras a votación, o parlamentario alemán Axel Voss, amosou o seu pesar ante o
rexeitamento da proposta que defendÃa, destacando que en setembro procurarán retomar
o tema e dilucidar as preocupacións existentes sobre as medidas que buscan
adaptar a lexislación sobre dereitos de autor ao contorno dixital actual.
AÃnda é moi apresurado asegurar se os polémicos artigos 11 e 13 da proposta lexislativa
van seguir adiante, de xeito que o único que pode asegurarse certamente é que o
debate queda adiado ao mes de setembro, cando é de esperar que tamén se
reactiven as mobilizacións cidadáns en protesta do que moitos consideran que é
unha seria ameaza para a Internet tal e como a coñecemos.