O Street Fighter IV debutará na Games Convention

Dende o seu blog oficial, Capcom confirma que o xogo Street Fighter IV se poderá ver nas súas versións para Xbox 360 e PS3 durante a Games Convention de Leipzig que comeza o vindeiro xoves e durará ata o domingo.
A versión para recreativas do xogo xa está no mercado, pero se agarda que as entregas para consola sexan máis completas, de xeito que se confirma que Leipzig será o lugar para facerse unha boa idea do que achegará este título que tamén contará con versión para PC.