O centro Gradiant recibe 2,5 millóns de euros para accións de I+D

A Consellería de Innovación e a Fundación Centro Tecnolóxico de Telecomunicacións de Galicia (GRADIANT) veñen de asinar un acordo para a posta en marcha de actividades en materia de Investigación e Desenvolvemento no eido das novas tecnoloxías da inforamación. O convenio, asinado este venres, inclúe o financiamento das accións tecnolóxicas de Gradiant por un valor de 2.484.500 euros. Sinalar que este centro, situado polo de agora na Escola de Enxeñeiros de Telecomunicacións da Universidade de Vigo, foi posto en marcha hai agora un ano por once empresas do sector TIC en Galiza.