O éuscaro tamén quere un dominio de Internet propio
luns, 2 de febreiro do 2009
A Asociación PuntoGal leva un tempo traballando en prol da creación dun dominio de Internet para a cultura e a lingua galegas (.gal), como xa conseguiu a comunidade catalá (.cat), e que agora queren emular dende Euskadi, onde a Asociación PuntuEus está a recoller apoios para solicitar a creación dun dominio para a comunidade éuscara (.eus), para o que xa contan cunha páxina web.
