O iPhone é o dispositivo móbil que máis accede a Google

Información interna de Google revelada a The New York Times expón que o tráfico do buscador dende os móbiles de Apple supera a calquera outro dispositivo móbil dende as pasadas vacacións, mentres que antes das festas os dispositivos de Nokia baseados en Symbian aínda superaban en conxunto ó iPhone.
Así, aínda que o iPhone só supoña o 2% dos teléfonos intelixentes no mundo (fronte ó 63% dos terminais con Symbian ou o 11% dos dispositivos con Windows Mobile) os seus usuarios acceden á Internet frecuentemente dende os mesmos, de aí que a súa influencia no mercado é moi superior da que amosa a súa penetración no mercado.