O investigador do CITIC Javier Parapar realizou unha estadía en Google AI
xoves, 12 de novembro do 2020
O
investigador do CITIC (o Centro de Investigación TIC da Universidade
da Coruña) Javier Parapar vén de regresar dunha frutífera estadía
como Visiting Faculty Researcher na división de Google
adicada á Intelixencia Artificial (Goole
AI) con sede Londres. Durante
oito meses, traballou no equipo de Sistemas de Recomendación.
Entre
os traballos realizados durante a súa estancia estivo o de mellorar
a licitación de preferencias de usuarios para sistemas de
recomendación conversacionais mediante un modelo de diversificación
baseado en bandidos bayesianos. O obxectivo destes traballos é
perfilar axeitadamente as preferencias dos usuarios, unha cuestión
fundamental para coñecer “de xeito fiábel” os intereses de
novos usuarios e poder xerar mellores recomendacións de ítems.
O
modelo xerado, que será publicado na ACM WSDM 2021 (14th ACM
International Conference on Web Search and Data Mining), consegue
melloras importantes non só na relevancia dos ítems recomendados,
senón tamén na súa diversidade e serendipia.