O papel das TIC na mellora da calidade de vida dos maiores, a debate na UDC

O Paraninfo da Reitoría da Universidade da Coruña acolle hoxe e mañá venres a primeira edición do Congreso Internacional sobre Envellecemento e Dependencia, que será inaugurado este xoves ás 16.00 horas polo reitor, José María Barja. A xuntanza, que está organizada polo Grupo de Investigación en Xerontoloxía da UDC, en colaboración coa Facultade de Ciencias da Saúde e o Departamento de Medicina, debaterá sobre diversos aspectos da xerontoloxía, como a achega das novas tecnoloxías na atención das persoas maiores, o envellecemento activo, o enfrontamento da dependencia e as patoloxías que a causan ou o papel da familia no marco da nova Lei da Dependencia.