OAP-Galicia desenvolve un ciclo sobre o uso das TICs na empresa

Co obxectivo primordial de ampliar a formación en novas tecnoloxías dos traballadores autónomos e as pequenas e medianas empresas, a Federación de Profesionais e Autónomos de Galicia, OAP-Galicia, vai desenvolver un ciclo formativo sobre as Novas Tecnoloxías da Información e da Comunicación nas Pequenas e Medianas Empresas (PEMES) ó longo dos meses de outubro e novembro. Estas xornadas, que están subvencionadas pola Consellaría de Innovación, terán lugar nas localidades de Pontevedra, Marín, Dena, A Guarda, Vilagarcía de Arousa e Vigo e nelas potenciarase a participación de mulleres, cun mínimo de asistencia feminina do 33 por cento así como a participación de profesionais maiores de 45 anos.