ONO funcionará coma OMV dentro dun mes

A Asociación de Periodistas de Información Económica (APIE) celebrou este martes un encontro ó que asistiu Eugenio Galdón, presidente de ONO, quen sorprendeu ós asistentes anunciando que entre a última semana de novembro e a primeira de decembro a súa empresa comezará a funcionar coma operadora móbil virtual (OMV) baixo a marca ONO io.
Para dar servizo de telefonía móbil ós seus clientes a operadora de cable empregará a infraestrutura de Movistar, empresa coa que chegaron a un acordo; e o móbil só se ofertará coma servizo converxente, ou sexa, para os clientes actuais da operadora.