Os Rolling Stones responderán preguntas dos seus seguidores a través de YouTube

A película documental de Martin Scorsese, Shine a Light, que fai unha achega aos veteráns Rolling Stones, levou a que as súas diabólicas maxestades abrisen unha canle en YouTube para que os seus seguidores poidan remitirlles preguntas en formato vídeo. As mellores cuestións serán respondidas no servizo de vídeo de Google polos propios Mick Jagger e Keith Richards nunhas poucas semanas.