Os altofalantes Sonos comezan a integrar Alexa en España
xoves, 15 de novembro do 2018
Os altofalantes de Sonos, referente no seu sector, están a
integrar asistentes de voz de xeito paulatino, e aÃnda que recoñeceron que non serán quen de
engadir o Asistente de Google aos seus altofalantes compatibles até 2019, no
que a Alexa se refire o traballo está máis avanzado, e espérase
que hoxe mesmo comece a distribución da actualización que achegue o asistente
de Amazon aos altofalantes de Sonos.
A incorporación de Alexa aos altofalantes Sonos One e Sonos Beam en España suporá
unha grande nova para os seus usuarios, xa que facilitará o control de voz de
aplicacións como Amazon Music, Spotify, Deezer e TuneIn, como acontece cos
altofalantes Amazon Echo, podendo tamén controlarse o nivel de volume e, no
caso do Beam, incluso permite acender e apagar o televisor coa voz.
Lembremos que os
altofalantes de Sonos tamén incorporaron AirPlay 2 para facilitar o seu
control con Siri, de xeito que, cando o ano que vén integren finalmente o
Asistente de Google converteranse nunha das solucións máis flexibles do
mercado, xa que son altofalantes conectados que deixarán na man do consumidor a
escolla do seu asistente persoal favorito.