Os fondos do Centro Ramón Piñeiro estarán accesibles na Biblioteca Virtual Miguel de Cervantes

As letras galegas contarán en breve cun novo portal, posto en marcha e mantido de xeito conxunto entre a Biblioteca Virtual Miguel de Certantes e o Centro Ramón Piñeiro para a Investigación de Humanidades. Así o fixo saber este xoves Política Lingüística no acto de presentación do proxecto web, que porá ó alcance da man da comunidade internauta as obras que abranguen os traballos de investigación do dito Centro, “fundamentais no ámbito da literatura galega”. Estes documentos e o novo portal estarán accesibles a través da Biblioteca Virtual Miguel de Cervantes. As obras coas que se inaugurará o servizo son A obra narrativa en galego de Manuel Lugrís Freire e A gaita galega (a primeira revista da emigración en galego).