Os maiores de Brión aprenden a usar os seus móbiles

Unha ducia de veciños e veciñas de Brión, todos eles maiores de cincuenta anos, veñen de participar nun obradoiro para aprender a empregar os seus teléfonos móbiles, impartido polo Banco de Tempo Municipal de Brión.
Segundo veñen de anunciar os seus responsables, “estas persoas coñecen o básico e saben facer unha chamada, pero queren aprender tamén cousas como mandar SMS, programar a axenda, poñer a alarma...”. Nas vindeiras xornadas, ademais de aprender o funcionamento do menú básico dos seus terminais, os asistentes interactuarán entre eles para aprender uns dos outros e traballar en grupo con cadanseus móbiles.