Ourense recibirá o galardón Google, Ciudad Digital

O alcalde de Ourense, Francisco Rodríguez, recibirá hoxe o galardón Google, Ciudad Digital que a compañía de Mountain View concedeu á cidade de Ourense para recoñecer a pequenas e medianas cidades españolas que potencial o uso das TIC entre os seus cidadáns e no seu tecido empresarial.
Deste xeito, Ourense sería a primeira cidade galega en recibir tal recoñecemento de Google polo uso que fai da Internet como ferramenta de comunicacións cos cidadáns, o fomento da innovación tecnolóxica e a implantación de novas aplicacións dixitais.
O concelleiro de Novas Tecnoloxías de Ourense, Agustín Fernández, aproveitará a ocasión para facer balance da utilización da rede Ourense WIFI, que conta con 42 puntos de acceso repartidos entre as zonas e parques máis representativos da cidade, así como en zonas do rural como Mende, Beiro, Palmés, Seixalbo, Quintela, Cudeiro e Rairo. Esta infraestrutura de comunicacións sen fíos achégase a través de tecnoloxía de GOWEX, especialistas en crear cidades WiFi.