Philips pecha a súa división de pantallas 3D

A división de Philips dedicada ao desenvolvemento de pantallas 3D mediante tecnoloxía WOWvx (que non precisaría de lentes especiais para percibir a profundidade) botou o peche ante a conxuntura económica global e a lenta adopción da tecnoloxía, que produce un retorno do investimento mínimo, que non xustifica a actividade actual.
Polo momento Philips xa incorporara esta tecnoloxía a unha pantalla comercial de 22 polgadas e a un prototipo de 56 polgadas.