Preparan un xogo que permitiría usar o mando da Wii a xeito de espada láser
venres, 29 de xuño do 2007
Lucas Arts anunciou que en breve lanzará un xogo
de espada láser empregando o famoso mando da Wii, que xa está en fase de
prototipo e promete ser moi divertido.
O novo xogo estaría ambientado no universo de Star Wars e aínda non se coñecen
detalles sobre o mesmo, polo que parece que o fabricante quere manter a
expectación para un posible lanzamento no outono dun xogo para Nintendo Wii do
que poderemos coñecer máis datos no E3 Media Summit que se celebrará en Los Ángeles
no mes de xullo.
