R mellora as súas tarifas de telefonía móbil

Imaxe dun anuncio dos servizos móbiles de R

O operador galego R leva bastante tempo aproveitando as vantaxes de combinar servizos de teléfono, televisión e Internet, que nos últimos anos, coa súa actividade como Operador Móbil Virtual conseguiu un importante pulo que o vindeiro 1 de outubro podería reforzarse grazas a unha mellora das súas tarifas, que se aplicará de xeito automático a todos os clientes, conseguindo así un maior aforro, como xa conseguiran coa renovación dos seus combos domésticos (que inclúen tarifa plana a teléfonos fixos e ata 700 minutos de balde ao mes de fixo a móbil).
Concretamente a tarifa mini+internet (liña móbil que ten unha cota de 7 euros+IVE para usuarios que non teñan terminal subvencionado) baixa o seu prezo por minuto de 4 a 2 céntimos; a tarifa plana 24h 150min muda de nome para incluír 200 minutos de chamadas nacionais a fixos e móbiles por 15 euros+IVE ao mes (sen terminal subvencionado); a tarifa plana 24h 350min tamén incrementa en 50 o número de minutos en chamadas incluídos ao mes (co seu consecuente cambio de nome); estrean a tarifa plana 24h 600min; melloras a tarifa plana 24h 750min con 800 minutos ao mes, 400 mensaxes de texto (no cato de 200) e 2 Gb de datos (en vez dos 500 Mb anteriores); e incluso a tarifa única móbil sen datos con terminal subvencionado pasa de 8 a 5 céntimos/minuto + IVE nas chamadas.
Dende R tamén lembran que todos os móbiles do seu catálogo comercialízanse libres e os novos prezos non se limitan a novas altas como fan outros operadores, senón que están dispoñibles para todos os seus clientes.