R pechou 2018 con máis velocidade, canles e fibra para os seus clientes
mércores, 2 de xaneiro do 2019
A operadora
galega R quixo rematar ao ano facendo balance do acadado nas súas
diferentes vertentes de actividade (Internet, televisión, fibra,
móbil) ao longo dos doce meses que vimos de deixar atrás. O
informe dos principais fitos tecnolóxicos da compañÃa en 2018
comeza co capÃtulo de Internet. Neste punto, a empresa foi quen de
aumentar as velocidades achegadas, sendo este proceso aplicábel a
todos os clientes con acceso á rede fixa de R, que pasaron de 60 a
100 Mbps, de 100 a 200 e de 200 a 300.
No
eido da televisión, R acadou a dispoñibilidade de Netflix para os
seus clientes a través do deco 4K. Tamén foron obxecto de
ampliacións a alta definición (incorporando Eurosport 2, Garage TV,
Discovery, Nickelodeon e Disney Channel) e maila grella televisiva
(Extreme Sports, Nick Jr, Baby TV, Garage TV MTV, MTV Dance, Disney
Pop Pick, MTV Rocks, MTV Music ou MTV Live HD). Ademais, a Liga 123
TV púxose a disposición de todos os clientes, ao que cómpre
engadir melloras en todos os paquetes de televisión.
No
ámbito do móbil, amais de mellorarse o servizo e a cobertura,
lanzouse unha tarifa con 50 GB (R foi o primeiro operador que fixo
isto) e incrementouse a cifra de clientes que se conectan á Rede
móbil a través de 4G (o 80% dos clientes). Por outra banda,
lanzáronse bonos ilimitados de datos para acceso a redes sociais,
música, vÃdeos ou para a fin de semana; novas tarifas de só móbil;
e unha aplicación móbil, 3ollos R, para facer posÃbel a
localización exacta dos nosos familiares. Amais, a operadora galega
activou a itinerancia por defecto dentro dos paÃses da UE e,
asemade, comezou a ofrecer 4G tamén en itinerancia.
Polo
que se refire á fibra, incrementouse a cifra de familias e empresas
que desfrutan dela. En termos concretos, sumáronse novos concellos á
comunidade de municipais que contan con este servizo de R (Abegondo,
Cerceda, Cuntis, Lourenzá, Barreiros, Palas de Rei, Monterroso ou
Muros) e, ademais, a empresa conseguiu chegar a 81 polÃgonos galegos
cos seus accesos á Rede de alta velocidade.