Samsung impulsa súa gama media cos nos novos Galaxy A57 5G e A37 5G

Samsung reforza a súa aposta pola democratización da intelixencia artificial coa presentación dos Galaxy A57 5G e A37 5G, dous modelos que chegan ao mercado español o 10 de abril e que incorporan funcións de procesado, cámara e seguridade propias de gamas superiores. A compañía surcoreana sitúa así a serie Galaxy A como porta de entrada ás súas innovacións máis recentes, incluída a renovada plataforma Inteligencia Alucinante integrada en One UI 8.5.
O Galaxy A57 5G convértese no dispositivo máis potente da serie ata o momento, cun deseño máis delgado (6,9 mm e 179 g) e un conxunto de CPU, GPU e NPU mellorado respecto á xeración anterior. Ambos modelos incorporan pantallas Super AMOLED de 6,7 polgadas con refresco de ata 120 Hz e Vision Booster, aínda que o A57 aposta polo panel Super AMOLED+ para unha maior luminosidade.
No apartado fotográfico, os dous dispositivos comparten un sensor principal de 50 megapíxeles con apertura f/1.8, acompañado dun ultra gran angular (12 megapíxeles no A57, 8 megapíxeles no A37) e unha macro de 5 megapíxeles. A marca reforza o procesado nocturno coa función Nightography e un ISP actualizado, mentres que o A57 engade melloras específicas en detalle, redución de ruído e velocidade de disparo. A cámara frontal mantense nos 12 megapíxeles con apertura f/2.2.
A batería de 5.000 mAh promete ata dous días de autonomía, con carga rápida Super Fast Charging 2.0 capaz de alcanzar o 60 % en aproximadamente 30 minutos. O A57 integra ademais unha cámara de vapor un 13 % maior para estabilizar o rendemento en sesións prolongadas de xogo ou gravación. Ambos modelos contan con certificación IP68 fronte a auga e po.
Samsung comprométese a ofrecer ata seis xeracións de actualizacións de Android e One UI, así como seis anos de parches de seguridade. A serie incorpora Knox Vault e novas funcións como o Álbum privado, alertas de privacidade e ferramentas de control granular de permisos.
Os Galaxy A57 5G e A37 5G estarán dispoñibles en varias configuracións de memoria —ata 12 GB de RAM 512 GB de almacenamento no A57— e en novos acabados de cor, incluíndo azul escuro, gris, azul claro e lila para o A57, e verde escuro, gris, lavanda e branco para o A37.