Samsung supera a Motorola en venda de móbiles
mércores, 8 de agosto do 2007
Nokia continúa a liderar o mercado mundial de teléfonos
móbiles, pero durante o segundo trimestre de 2007 parece que cambiaron as
cousas para os seus seguidores, de xeito que segundo o informe trimestral de
IDC Samsung vén de arrebatarlle
a segunda posición a Motorola.
Durante o período analizado vendéronse 272,7 millóns de terminais, dos que
corresponde o 37% a Nokia (que mellorou o 33,4% que tiña o pasado ano), mentres
que Samsung se fai co 13,7% e Motorola co 13%, seguidos por Sony Ericsson e LG.
Destaca o feito de que o 20,2% dos móbiles corresponden a fabricantes distintos
dos máis importantes (coma Apple) o que supón todo un cambio de tendencia.
