Verónica Bolón, investigadora do CITIC, nos actos conmemorativos do Día da Muller e a Nena na Ciencia
martes, 9 de febreiro do 2021
A
investigadora
do CITIC Verónica Bolón moderará o seminario Xeración de
coñecemento desde unha perspectiva de xénero, organizado
con motivo do Día da Muller e a Nena na Ciencia pola Academia Joven
de España (AJE), entidade na que Verónica Bolón é académica de
número. O seminario realizarase de forma online este 12 de
febreiro en horario de 17.00 a 18.00 horas e terá como relatoras á
directora de Identidade Dixital da Universidade de Deusto, Lorena
Fernández Álvarez, e a directora do Instituto de Filosofía do
CSIC, Concha Roldán.
A
actividade abéirase a uns dos grandes obxectivos da Academia Nova de
España, que pasa pola promoción e a reivindicación da ciencia
incorporando a perspectiva de xénero.
Segundo
lembran dende o Centro de Investigación TIC da Universidade da
Coruña, o Día Internacional da Muller e a Nena na Ciencia celébrase
cada ano o 11 de febreiro co fin de “lograr o acceso e a
participación plena e equitativa na ciencia para as mulleres e as
nenas, promovendo o seu empoderamento e buscando a igualdade de
xénero”.
