Vodafone ofrece TV Total sen custo adicional aos seus clientes converxentes
venres, 17 de agosto do 2018
Despois de denunciar
a Movistar polas súas promocións que inclúen futbol televisado, Vodafone
sorprende anunciando unha promoción dentro da súa campaña de volta ao cole na que tanto a clientes actuais
como a novas altas ofrece
durante un ano o paquete de televisión Vodafone TV Total sen custo adicional,
de xeito que achega un amplo catálogo de series, cine, programación infantil,
deporte e lecer, con máis de 120 canles e milleiros de contidos baixo demanda como
HBO España, AXN Now, FOX Play e Disney.
Esta promoción poderá contratarse entre o 20 de agosto e o 30 de setembro e,
por exemplo, permitirá que por 52 euros/mes un cliente de Vodafone One poida
gozar de 4 GB no seu móbil, chamadas ilimitadas, fixo, fibra de 100 Mbps e 1
ano de TV Total.
A esta oferta poderá engadÃrselle por 5 euros/mes (a metade do prezo actual) o
Pack Cine (que inclúe Movistar Estrenos e Filmin) ou o paquete Fútbol (con 8
partidos de LaLiga Santander, a Copa do Rei, LaLiga 1|2|3 e un partido en 4K por
xornada). Adicionalmente tamén pode contratarse Netflix, Más Series (con
Movistar Series), Pack Adulto e Pack Caza.
Vodafone aproveitou o lanzamento desta promoción para anunciar que, ao igual
que fixo ao longo do verán, no mes de setembro ofrecerá aos seus clientes 25 GB
de datos adicionais para navegar dende o móbil.