YouTube continúa a liderar os servizos de vídeo na Rede

Datos da consultora Hitwise amosan que YouTube achega máis visitas que tódolos seus competidores xuntos. Así, mentres YouTube incrementou as súas visitas un 70% durante os primeiros 5 meses do ano, os seus principais competidores só o fixeron un 8%, o que confirma á filial de Google nunha posición dominante cun 60,02% das visitas de servizos de publicación de vídeo nos EE.UU., seguido de MySpace co 16%, de Google Video cun 7,81%, Yahoo Video co 2,77%, MSN co 2,09%, Break.com co 1,33%, Daily Motion co 1,13%, MetaCafe co 1,07% e AOL Media co 0,94%.