YouTube incorpora un formulario web que permite a carga de ata 10 vídeos simultáneos

Cargar contidos en YouTube agora é máis doado grazas a un novo mecanismo accesible dende a propia web do servizo de vídeo de Google que permite subir ata 10 vídeos á vez cun tope de tamaño de 1 Gb cada un, o que permite non só a carga masiva de contidos, senón que os mesmos teñan unha calidade moi elevada.
Este novo formulario de carga de vídeos incluso permite encher os datos de descrición dos mesmos durante a súa subida, o que facilita claramente a interacción durante este proceso que normalmente supón un atranco para os usuarios máis activos (á vez que supón un mellor aproveitamento do seu tempo).