O Premio ao Mellor Proxecto Fin de Carreira con Licenza Libre decidirase a semana que vén

venres, 22 de novembro do 2013 Redacción

O venres 29 de novembro ás 16:00 horas na Sala de Consellos da AMTEGA na Cidade da Cultura realizarase o acto de entrega do Premio ao Mellor Proxecto Fin de Carreira con Licenza Libre 2013, no que catro candidatos seleccionados exporán os seus proxectos durante 15 minutos aos que seguirán 10 minutos de preguntas, para que posteriormente se conceda o Premio da presente edición en función da calidade de cada proxecto (deseño e implementación) e do nivel de actividade pública dos mesmos.
Os finalistas que optarán a facerse con este recoñecemento serán Pablo Belay Fernández con xeoPesca, Eutelo Pena Barreiro cun sistema de control mediante movementos faciais, Esperanza N. González coa instalación interactiva Abioxénese, e Antía Fuentes Felpeto cun verificador de accesibilidade web.

PUBLICIDADE