O mundo virtual de Second Life xa conta cun Centro Galego

Esta semana puidemos ler en La Voz de Galicia que un dos seus xornalistas, Nacho Mirás Fole (que tamén conta co popular blog Rabudo.com) baixo o alter ego Klauss Wind fundou en Second Life un Centro Galego, que conta con bar, carteis publicitarios, polbo e mesmo un eucalipto.
O novo Centro Galego virtual inaugurouse o pasado día 2 e á súa inauguración incluso acudiron o presidente e o vicepresidente da Xunta segundo indica a placa conmemorativa presente no lugar.
Este novo local virtual conta con carteis que rezan lemas coma “vivir na Coruña que bonito é” ou convidan a visitar outras cidades galegas coma Lugo (promocionada por un polbo), Vigo ou Santiago.
Nirás Fole afirma que o Centro Galego en Second Life xa contou con numerosas visitas, achegándose incluso a comunidade galego-arxentina na Rede. O xornalista comezou a súa aventura mercando 5.000 dólares Linden por 15 euros, e un dos seus investimentos foi unha características moto Vespa, de xeito que deu os seus froitos creando unha pequena comunidade que poder animar a moitos hispanos e galegos a dar un paseo por este mundo virtual que tanto está a dar que falar nos últimos meses.