Orange prepárase para a compra de Jazztel
luns, 15 de setembro do 2014
Jazztel comunicou hoxe a Comisión Nacional do Mercado de
Valores que o seu principal accionista e presidente do consello de
administración da empresa, Leopoldo Fernández Pujals, titular do 14,48% do
capital social, chegou
a un acordo coa sociedade francesa Orange no que esta última compañÃa se
compromete a formular unha oferta pública voluntaria de adquisición polo 100%
do capital social de Jazztel a un prezo de 13 euros por acción, que pagarase en
efectivo e estará condicionada á obtención das aprobacións regulatorias
pertinentes, a aceptación do 50,01% do capital social (sen computar as accións
de Fernández Pujals) e que non resulte aprobada polos órganos de goberno da Sociedade
a posible adquisición de Yoigo. Fernández Pujals, pola súa banda, comprométese
a aceptar de xeito irrevocable a oferta de Orange (compromiso que manterÃase de
recibir ofertas competidoras que Orange decida mellorar). O conselleiro
delegado e o conselleiro secretario xeral de Jazztel tamén asumiron un
compromiso de aceptación da oferta de Orange nos mesmos termos.
Esta operación suporÃa a valoración de Jazztel en máis de 3.334 millóns de
euros, superando a capitalización bolsista de 3.090 millóns de euros coa que
pechou hoxe, tras subir un 12,57% ante os rumores sobre a oferta de Orange. Temos
asà que nos vindeiros meses o mercado das telecomunicacións español continuará
a transformación iniciada hai meses nas que os distintos axentes participantes
tenden a fusionarse para gañar forza nun sector altamente competitivo.