Sada prepara unha aplicación móbil co directorio empresarial local

A terraza modernista de Sada

O Concello coruñés de Sada presentou unha aplicación para dispositivos móbiles (app) desenvolvida pola Concellería de Promoción Económica e Turismo do Concello de Sada e xestionada por Liss Suárez Becerra. O obxectivo desta app é o de crear un directorio empresarial web para facer máis sinxelo o contacto entre empresas e comercios asentados no Concello. Asemade, esta ferramenta tamén pode ser de utilidade de cara á recepción de posíbeis clientes, sendo unha canle efectiva para dar a coñecer novos produtos e servizos. A aplicación para dispositivos móbiles de Turismo de Sada, indica Becerra, recompilará toda a información de interese para os visitantes e interesados: dende recursos turísticos e patrimoniais, festas e eventos, comercio e hostalaría, feito que fará máis accesíbel a información de cara ao visitante.
Suárez Becerra engade que “o feito de que esta concellaría conte con datos actualizados, facilitará o envío de información que podería ser de utilidade para o desenvolvemento da actividade comercial e empresarial “ e anima a todo o tecido empresarial de Sada (comercio e hostalería) a acudir á presentación desta nova ferramenta dixital.