Un cambio nas condicións de uso de Facebook, alerta aos seus usuarios
martes, 17 de febreiro do 2009
A comunidade de usuarios de Facebook leva uns días en alerta logo de
que a rede social levara a cabo un cambio nas condicións de uso da mesma, pasando
a converterse nunha “licenza perpetua e
mundial” sobre todo o contido publicado no sitio.
Respecto disto, o fundador de Facebook, Marck Zuckenberg,
quixo tranquilizar aos seus usuarios e, a través do blog
do grupo, emitiu un comunicado afirmando non querer compartir a información
“dunha maneira non axeitada”, senón
para ser “coherente” co xeito de compartir fotos e mensaxes no sitio.
Zuckenberg asegurou que se un usuario decidía cancelar o
servizo e darse de baixa no sitio, a súa información desaparecería da páxina,
máis non para aqueles ás que xa lla tiña enviado antes.
Baixo os termos de uso, Facebook ten agora dereito a
empregar libremente todos os contidos do sitio, incluso se unha persoa elimina
un documento ou pecha a súa conta, “o cal
non significa que a rede social poida facer unha mini-serie da súa vida ou que
poida escribir un libro coa súa información”, apuntou Jules Polonetsky,
experto en intimidade e director do Foro El
futuro de la privacidad, senón que se “curan en saúde” á hora de
administrar os arquivos, máis respectan as restriccións impostas polo usuario
na difusión dos seus contidos.
Na opinión de Polonetsky, “estas disposicións permítenlle a Facebook innovar constantemente sen
que se enfronten con obstáculos legais”.