2.700 telecentros de toda España deixarán de contar co financiamento de Red.es

Máis de 5.400 vilas españolas poderían acrecentar a fenda dixital que os separa da sociedade da información xa que os programas de financiamento dos seus telecentros que achegan o acceso á Rede para unhas 600.000 persoas podería rematar pois preto de 2.700 telecentros aínda financiados polos Estado deberán pasar a mans de deputacións, cabildos e concellos en breve (xa que as axudas que recibían só estaban proxectada para os seus 2 primeiros anos de servizo) o que podería pór en perigo a súa conservación dada actual conxuntura económica.
Sebastián Muriel, director xeral de Red.es, recoñeceu nun encontro informático que o seu ente deixará de financiar aos telecentros que leven 3 anos funcionando, e admitiu que en moitos casos os custos do acceso para dotalos de conexión son moi elevados (por ter que empregar tecnoloxía satelital para acceder á Internet ao estar lonxe de infraestruturas coma o ADSL) e agora deberán ser outras administracións as que corran con estes gastos.