O Windows Vista en español xa circula polas redes P2P

Moitos usuarios dos sistemas operativos de Microsoft queren probar o novo Windows Vista antes do 30 de xaneiro, polo que non sorprende que se filtrase unha versión en español na Internet, que se pode ter instalada durante 30 días (tralos que sería precisa a súa activación legal) polo que algúns o descargarán para poder probar se os seus equipos executan satisfactoriamente o novo sistema.
Esta versión de 32 bits do Windows Vista permite así un achegamento á versión definitiva de Vista en español, e non a unha versión de proba en inglés (que foi o que ata o momento se puido descargar legalmente), aínda que hai que advertir que o novo sistema de Microsoft inclúe moitas medidas de seguridade, de xeito que trala instalación os usuarios poderían ter serios problemas para continuar a empregar o sistema se non o adquiren legalmente nos seguinte 30 días (o que podería ser difícil, xa que non se venderá ata dentro de 2 meses) polo que entendemos que os usuarios que están a descargar esta copia só pretenden botar unha ollada ó que será o sistema operativo do futuro.